Tuesday, April 29, 2008

ಕೆರಳುವ ಪ್ರತಿಭೆಗಳು ........!!!!

ಅರಳುವ ಪ್ರತಿಭೆಗಳ ಬಗ್ಗೆ ನೀವೆಲ್ಲ ಕೇಳಿರುತ್ತಿರಿ.
ಆದರೆ ಇದೆಂತದ್ದು ಕೆರಳುವ ಪ್ರತಿಭೆ ? ಅಂತ ಹುಬ್ಬೆರಿಸಬೇಡಿ !
ಒಂದು ಒಳ್ಳೆಯ ಕಾರ್ಯಕ್ರಮ ನಡೆಯುತ್ತಿದ್ದಾಗ ಒಮ್ಮೆಲೇ ಉತ್ಸಾಹದಿಂದ ಕಿರುಚಿಕೊಳ್ಳುತ್ತಾರಲ್ಲ ಅವರೇ ನಮ್ಮ ಕೆರಳುವ ಪ್ರತಿಭೆಗಳು !
ಈ ಕೆರಳುವ ಪ್ರತಿಭೆ ಪ್ರಕಟವಾಗುವುದು ಗುಂಪಿನಲ್ಲಿದ್ದಾಗ ಮಾತ್ರ ! ಎಂಥ ಪೋಲಿಗಳೇ ಆಗಿರಲಿ ಒಬ್ಬರೇಇದ್ದರೆ ಸುಮ್ಮನಿರುತ್ತಾರೆ . ಆದರೆ ಅಂತವರ ಒಂದು ಗುಂಪು ಸೇರಿತೆಂದರೆ ಸಾಕು ಬೆಕ್ಕು , ನಾಯಿ , ಆಕ್ಷಿ .... ಆಕ್ಷಿ .... ಆಕ್ಷಿ .... ಮುಂತಾದ ವೈವಿಧ್ಯಮಯ ಶಬ್ದಗಳನ್ನು ಉಪಯೋಗಿಸಿ ಕಾರ್ಯಕ್ರಮಕ್ಕೆ ವಿಶೇಷ ಮೆರುಗನ್ನು ನೀಡುತ್ತಾರೆ. ಕೆಲವರು ಇವರನ್ನು ಆಕ್ಷೇಪಿಸಬಹುದು. ಒಳ್ಳೆ ಕಾರ್ಯಕ್ರಮ ಕೆಡಿಸಿಬಿಟ್ಟರು ; ಇವರು ಇಲ್ಲದಿದ್ದರೆ ಇನ್ನು ಚೆನ್ನಾಗಿ ಮೂಡಿಬರುತ್ತಿತ್ತು , ಇವರಿಗೆ ಬುಧ್ಧಿ ಇಲ್ಲ ಇತ್ಯಾದಿ ಸಿಡುಕಬಹುದು. ಆದರೆ ಸಮಯದ ಅರಿವಿಲ್ಲದೆ ಭಾಷಣ ಮಾಡುವ ಮಹಾನುಭಾವರ ಭಾಷಣ ನಿಲ್ಲಿಸುವುದಕ್ಕೋ , ಅಸಂಬಧ್ಧ ವಾಗಿ ವೇದಿಕೆ ಮೇಲೆ ವರ್ತಿಸುವವರನ್ನು ಹತೋಟಿಗೆ ತರಲು ಇಂಥವರು ಎಷ್ಟೋ ಬಾರಿ ಸಹಾಯ ಮಾಡುತ್ತಾರೆ ! ಆಗ ಯಾರೂ ಇವರನ್ನು ಪ್ರಶಂಸಿಸುವವರಿರುವುದಿಲ್ಲ.ಕಾಲೇಜಿನ ಯಾವುದೇ ಕಾರ್ಯಕ್ರಮವಿರಲಿ ಈ ಕೆರಳುವ ಪ್ರತಿಭೆಗಳು ಇಲ್ಲದಿದ್ದರೆ ಅದು ಅಪೂರ್ಣ ಅಂತ ನನ್ನ ಭಾವನೆ . ಯಾರಿಗೆ ವೇದಿಕೆಯಲ್ಲಿ ಅವಕಾಶವಿಲ್ಲವೋ , ಅವರಿರುವ ಸ್ಥಳವನ್ನೇ ವೇದಿಕೆಯನ್ನಾಗಿ ಮಾಡುವ ಇವರು ಪುಕ್ಕಟೆ ಮನೋರಂಜನೆ ನೀಡುವುದಂತೂ ಸತ್ಯ .
ಕಾಲೇಜು ದಿನಗಳಲ್ಲಿ ಬಹುತೇಕ ಎಲ್ಲ ಹುಡುಗರೂ "ಕೆರಳುವ ಪ್ರತಿಭೆ" ಒಂದಲ್ಲ ಒಂದು ಸಂದರ್ಭದಲ್ಲಿ ಆಗಿಯೇ ಇರುತ್ತಾರೆ ! ಹುಡುಗರ ಗುಂಪಿನ ಸಿನಿಮಾ ಡ್ಯಾನ್ಸ್ ನಡುವೆ ಲಲನೆಯೊಬ್ಬಳು ಸುಳಿದಾಗ , ಕಾರ್ಯಕ್ರಮದ ಮಧ್ಯೆ ಪವರ್ ಕಟ್ ಆದರೆ , ಪ್ರಾಂಶುಪಾಲರು ಕಾಲೇಜಿಗೆ ಮರುದಿವಸ ರಜೆ ಘೋಷಣೆ ಮಾಡಿದಾಗ , ಹೀಗೆ ಹತ್ತು ಹಲವು ಸಂಧರ್ಭಗಳಲ್ಲಿ ತಮ್ಮ ಅಸ್ತಿತ್ವ ತೋರಿಸುವ ಇವರಲ್ಲಿ ನೀವೂ ಒಂದು ಕಾಲದಲ್ಲಿ ಒಂದು ಸಲ ಬಬ್ಬರಾಗಿದ್ದಿರಿ ತಾನೆ ??
ಈಗ ಹೇಳಿ ಕೆರಳುವ ಪ್ರತಿಭೆಗಳ ಬಗ್ಗೆ ನಿಮ್ಮ ಅಭಿಪ್ರಾಯವೇನು ??

3 comments:

Unknown said...

Good one.... good sense of humour... it w'd have been better if U were a kannada prof, instead of being in electrical dept... Continue...all the best...

YAKSHA CHINTANA said...

vidambane tumba ista aitu. keraluva parthibe ondalla ondu sandarbhadalli yellaroo agirabahude? omme avalokisuvanthaitu.

RJois said...

Good one and almost the normal incident we see across us in our life..