Friday, August 1, 2008

ಮೌಲ್ಯಮಾಪನ ......

ಇಂಜಿನಿಯರಿಂಗ್ ವಿದ್ಯಾರ್ಥಿಗಳ ಚತುರ್ಮಾನ ಮಾಸಿಕ ಪರೀಕ್ಷೆಯ ಮೌಲ್ಯಮಾಪನ ಮಾಡಲು ಗುಲ್ಬರ್ಗ ದ ಪೂಜ್ಯ ದೊಡ್ಡಪ್ಪ ಅಪ್ಪ ಇಂಜಿನಿಯರಿಂಗ್ ಕಾಲೇಜಿನ ಮೌಲ್ಯಮಾಪನ ಕೇಂದ್ರಕ್ಕೆ ಹೋದಾಗ ನಮ್ಮ ತಂಡದಲ್ಲಿ ಇದ್ದದ್ದು ೪ ಜನ. ನಾವು ಉತ್ತರ ಪತ್ರಿಕೆಯ ಪುಟಗಳನ್ನು ತಿರುಗಿಸುತ್ತಿದ್ದಂತೆ ಸಿಕ್ಕ ಕೆಲವು ಸ್ವಾರಸ್ಯಕರ ಸಂಗತಿಗಳನ್ನು ಬರೆಯಲೇ ಬೇಡವೇ ? ಎಂಬ ಶಂಕೆಯೊಂದಿಗೆ ಬರೆಯುತ್ತಿರುವೆ.
ಉತ್ತರ ಪತ್ರಿಕೆಯ ಕೊನೆಯಲ್ಲಿ ವಿದ್ಯಾರ್ಥಿಗಳ ನಾನಾ ಬೇಡಿಕೆಗಳು ಇಂತಿವೆ ..
ತಾನು ಇಂಟರ್ನಲ್ ಮಾರ್ಕ್ಸ್ ೧೫ಕ್ಕಿ೦ತ ಕಡಿಮೆ ಹೊಂದಿದ್ದಲ್ಲಿ ಉತ್ತರ ಪತ್ರಿಕೆಯ ಕೊನೆಯಲ್ಲಿ ಸಿಗುವ ಸಾಮಾನ್ಯ ಸಮೀಕರಣ
X+12=50
(ವಿದ್ಯಾರ್ಥಿಯು ಉತ್ತಿರ್ಣನಾಗಬೇಕಾದರೆ ಕನಿಷ್ಠ ೧೨೫ಕ್ಕೆ ೫೦ ಅಂಕಗಳು ಪಡೆಯಲೇಬೇಕು . ಮೇಲಿನ ಸಮೀಕರಣದ ಅರ್ಥ ನೀವು ಮೌಲ್ಯ ಮಾಪಕರಾಗಿದ್ದರೆ X ನೀವು ನೀಡಬೇಕೆಂದು ವಿದ್ಯಾರ್ಥಿ ಅಪೇಕ್ಷಿಸುವ ಅಂಕ !! )

ಇನ್ನು ಕೆಲವು ವಿವರಣೆಗಳು ಹೀಗಿವೆ .

dear sir/Madam
this is my 4th attempt. kindly pass me in this subject. if i loose this subject i am going to detain in this year. so please pass me. please............

ಇನ್ನು ಕೆಲವು ಮನ ಕಲಕುವಂಥ ವಾಕ್ಯಗಳು ..

dear sir
as my father expired last month i couldnot able to concentrate to this subject kindly pass me please.
ಈ ವಿದ್ಯಾರ್ಥಿಯ ಉತ್ತರ ಪತ್ರಿಕೆಯನ್ನು ನೋಡಿದಾಗ ಯಾವರೀತಿ ಅಂಕ ನೀಡಿದರೂ ೧೦೦ಕ್ಕೆ ಕೇವಲ ೩೩ ಬರುತ್ತಿತ್ತು . ಕನಿಷ್ಠ ೩೫ ಸಿಗಲೇ ಬೇಕು . ಈಗ "ಏನ ಮಾಡುವುದಿನ್ನು ಈ ಹುಡುಗ ಬರೆದಿಹನು...... " ಎನ್ನುವ ಸರದಿ ನನ್ನದಾಗಿತ್ತು!! ತಂದೆಯ ಅವಸಾನದ ನೋವನ್ನು ನಾನು ಬಲ್ಲೆ. ಹಾಗೆಂದು ೩೩ಕ್ಕಿನ್ತ ಹೆಚ್ಚಿನ ಅಂಕ ನೀಡಲು ಉತ್ತರ ಪತ್ರಿಕೆಯಲ್ಲಿ ಅವಕಾಶವಿಲ್ಲ ! ವಿಚಿತ್ರ ಸಂಕಷ್ಟ ಇದಲ್ಲವೇ ?

ಇನ್ನೊಂದು ವಿದ್ಯಾರ್ಥಿಯ ವಾಕ್ಯ ನಿಜಕ್ಕೂ ಮೊಜೆನಿಸುತ್ತದೆ ನೋಡಿ

dear sir
please think me as your own daughter and pass me. i struggled a lot but i couldn't recall the concepts. please help me ......
ಅರರೆ ನನಗಿನ್ನೂ ಮದುವೆನೇ ಆಗಿಲ್ಲ ! ಇನ್ನಿವಳು ಹೇಗೆ ಮಗಳಾದಾಳು!

ಇನ್ನು ಅನೇಕ ಮೋಜಿನ ವಾಕ್ಯಗಳು ಮೌಲ್ಯ ಮಾಪನ ಮಾಡುವಾಗ ಬರುವ ಏಕತಾನತೆಯನ್ನು ಹೋಗಲಾಡಿಸುವಲ್ಲಿ ಸಹಕಾರಿಯಾಗುತ್ತದೆ .
ಈ ವಿದ್ಯಾರ್ಥಿಗಳು ಬರೆದ ವಾಕ್ಯಗಳನ್ನು ನೋಡಿದರೆ ಒಂದು ಮಾತಂತೂ ಸ್ಪಷ್ಟವಾಗುವುದೇನೆ೦ದರೆ ಪರೀಕ್ಷೆ ಎದುರಿಸುವ ಮಾನಸಿಕ ಸಿದ್ದತೆಯಲ್ಲಿ ಇವರೆಲ್ಲ ಸೋತಿದ್ದಾರೆ ! ಇದಕ್ಕೆ ಕಾರಣ ಹಲವಿರಬಹುದು .
ಇಂತ ಹತಾಶೆಯ ವಾಕ್ಯವನ್ನು ಬರೆಯದಂತೆ ಮಾಡುವುದು ಹೇಗೆ ? ನಿಜಕ್ಕೂ ಉಪನ್ಯಾಸಕ ಸಮುದಾಯ ಈ ಬಗ್ಗೆ ಗಂಭೀರ ಗಮನ ಹರಿಸಲೇ ಬೇಕು ... ಈ ದಾರಿಯ ಹುಡುಕಾಟದಲ್ಲಿರುವೆ..... ನಿಮಗೆ ಗೊತ್ತಿದ್ದರೆ ತಿಳಿಸುವಿರಾ?

1 comment:

vishal said...

adyapakaru vidyarthigala sankasthavannu aritu "karunaadrusti" beerabeku!
pass adaroo fail aadaroo avaru nimma students taane? preeti irali